ကိုရိုနာဗိုင်းရပ်စ်အား မကြာမီကာလတွင် အပြည့်အဝထိန်းချုပ် နိုင်ခဲ့လျှင်ပင် ကိုရိုနာဗိုင်းရပ်စ် အကျပ်အတည်းသည် နယ်သာလန်နိုင်ငံ၏ စီးပွားရေးကို ကာလကြာရှည်စွာထိခိုက်စေ လိမ့်မည်ဟု နယ်သာလန်နိုင်ငံ၊ ဗဟိုစီမံကိန်းရုံးအဖွဲ့ (Central Planning Office-CPB) အရ သိရ သည်။ အလုပ်လက်မဲ့နှုန်းထားသည် နောက်ထပ် (၅) နှစ်ကြာပြီးနောက်မှ ပုံမှန်အဆင့်သို့ ပြန်လည် ရောက်ရှိနိုင်ကြောင်းနှင့် labor supply နှင့် ရင်းနှီးမြှုပ်နှံမှုတို့တွင်မူ အချိန်ကာလ ၁၀ နှစ် (သို့မဟုတ်) ထို့ထက်ပို၍ ကြာမြင့်ပြီးနောက်မှ ပြန်လည်နာလန်ထူလာနိုင်မည်ဟု CPB က ပြောကြားခဲ့သည်။ အလုပ်လက်မဲ့ဖြစ်ခဲ့ပြီးနောက်အလုပ်အကိုင်သစ်ရှာဖွေရရှိကြသူများသည် အချိန်ကာလကြာရှည်စွာ ၎င်းတို့၏ ဝင်ငွေတစ်စိတ်တစ်ပိုင်းကို ဆုံးရှုံးမှုရှိကြကြောင်း၊ ကာလကြာရှည်အလုပ်လက်မဲ့ဖြစ်ခဲ့ရ သဖြင့် ၎င်းတို့၏ကျွမ်းကျင်မှုနှင့် အသိပညာဗဟုသုတများတွင်လည်း ဆုံးရှုံးမှုရှိကြောင်း သိရသည်။

အလုပ်အကိုင်ရှာဖွေမှုကို စွန့်လွှတ်လာကြသဖြင့် ဝန်ထမ်းရရှိနိုင်မှု လျော့နည်းလာမည် ဖြစ်ကြောင်း၊ အလုပ်လက်မဲ့နှုန်းမြင့်မားမှုသည် နယ်သာလန်နိုင်ငံအား ပြည်ပလုပ်သားများကို ဆွဲဆောင်မှု လျော့ကျစေမည်ဖြစ်ကြောင်း၊ ထို့ကြောင့် labor supply နှင့် ရင်းနှီးမြှုပ်နှံမှုတို့တွင် ပြန်လည်နာလန်ထူလာစေရေးမှာ အချိန်ကာလ (၁၀) နှစ်နှင့်အထက် ပို၍ကြာမြင့်နိုင်သည်ဟု CPB က ခန့်မှန်းထားခြင်းဖြစ်ကြောင်း သိရသည်။ အဆိုပါအချက်များကြောင့် နယ်သာလန်နိုင်ငံ၏ စီးပွားရေးတိုးတက်မှုနိမ့်ကျခြင်းကို ဖြစ်စေနိုင်ကြောင်း၊ ကိုရိုနာဗိုင်းရပ်စ်ကာလမတိုင်မီ စီးပွားရေး အခြေအနေသို့  လာမည့်နှစ်အကုန်ခန့်တွင် ပြန်လည်ရောက်ရှိနိုင်ကြောင်း CPB က ခန့်မှန်းထား ပါသည်။

ကာလတိုတွင် လုပ်သားဈေးကွက်၌ ကျွမ်းကျင်မှုအတွဲအစပ်မမိခြင်း (mismatch) သည်လည်း စိုးရိမ်ဖွယ်ဖြစ်ကြောင်း၊ ယင်းကြောင့် အလိုအလျောက်စနစ်အသုံးပြုမှု၊ စက်ရုပ် အသုံးပြုမှုနှင့် ဒစ်ဂျစ်တယ်အသုံးပြုခြင်းများ တိုးတက်လာနိုင်ကြောင်း၊ သို့ရာတွင် လုပ်သား ဈေးကွက်မှာ ပုံမှန်အခြေအနေသို့ တဖြည်းဖြည်းချင်း ပြန်လည်ရောက်ရှိလာနိုင်ကြောင်း CPB က ပြောကြားသည်။

ရင်းမြစ် –  (နယ်သာလန်တိုင်းမ်)

ကျော်စိန်ဝင်း၊ စီးပွားရေးသံမှူး

ဘရပ်ဆဲလ်မြို့